أمير طعيمة يرد على الانتقادات الموجهة له بعد تعاونه مع محمد رمضان

صحافة نت رمضان - أخبار ثقافية وفنية : رد الشاعر الغنائي أمير طعيمة على الانتقادات التي طالته، بعد التعاون مع الفنان محمد فى عمل فني قادم، وسبب هذا الهجوم يعود نشر أمير طعيمة من نحو عام منشور على صفحته على موقع "فيس بوك" هاجم فيه رمضان على حد قول من انتقده. أمير طعيمة يرد على الانتقادات التي تعرض لها بعد التعاون مع محمد رمضان وقال أمير طعيمة فى منشور نشره أمس الاثنين على "فيسبوك": "البوست ده للحبايب واللي يهمهم أمري، مش للمجموعة اللي بقالها سنة راكبة حساباتي وجزء منهم مدفوع الأجر وجزء تاني اتضحك عليه و بيشتم و ياخد ذنوب من غير حتي ما يطلع منها في الدنيا بشوية فلوس حرام". وتابع أمير طعيمة: "من اكتر من سنة كتبت بوست عن الفنان محمد رمضان وانتقدت تصرف معين عمله كان من وجهة نظري تصرف خاطيء وانا عادة بعلق على الاحداث اللي بتحصل، البوست مكانش شخصي لأني مكنتش قابلت محمد ولا حتي صدفة وما شفتش منه أي حاجة مسيئة لشخصي و كلامي كان عام و علي موقف محدد و ما توقعتش اصلا ان البوست ينتشر بالشكل ده، وبالرغم من ان الهدف الاساسي كان النصيحة بإن ما ينفعش الفنان يقيم نفسه إلا أنها كانت حادة جدا وده غلط وده اعترفت بيه في أحد لقاءاتي التلفزيونية، لأن أنا شخصيا لو حد انتقدني بحدة هرمي كلامه ورا ضهري". وأكمل: "طعيمة" حديثه قائلا: "المخرج ياسر سامي الصديق المشترك بنا اقترح اني انا و محمد نتقابل و الطرفين رحبوا لأن فعلا مفيش حاجة بنا، و تصادف يكون اللقاء ده يوم في أيام مفترجة يوم وقفة العيد و في لقائنا احترمت جدا كلامه عن البوست سبب الازمة و انه متفهم و عارف انها نصيحة وانه جايز لو مكاني يكتب نفس الكلام ده، الراجل حتي ما لامنيش رغم المفترض ان ده كان يحصل و كنت هتفهم انا كمان لو قاللي انه زعلان". رسالة أمير طعيمة لمحمد رمضان 

‎ووجه أمير طعيمة رسالة إلى محمد رمضان قائلا: "ما تزعلش من أسلوبي في البوست تاني لأنه فعلا كان حاد زيادة عن اللزوم، انت شخص طيب و محترم و متواضع و عندك أحلام كبيرة و عايز تقدم حاجات أحلى و أحلي و إن شاء الله تحقق ده معايا و مع غيري لأنك موهبة كبيرة و مجتهد و لكل مجتهد نصيب.

صحافة نت الجديد (صحافة نت مصر ) : أمير طعيمة يرد على الانتقادات الموجهة له بعد تعاونه مع محمد رمضان ( أهل مصر )

نشر بتاريخ : الثلاثاء 2019/08/13 الساعة 01:45 ص

متعلقات

  • الظهور بشكل لائق شرط للسماح لمحمد رمضان بالغناء

    ” الظهور بشكل لائق ” شرط للسماح لمحمد رمضان بالغناء

    صحيفة صدى
  • 100 مليون مشاهدة لأغنية إنساي لمحمد رمضان وسعد لمجرد فيديو

    100 مليون مشاهدة لأغنية إنساي لمحمد رمضان وسعد لمجرد (فيديو)

    بوابة الفجر
  • تعرف على مفاجآت حفل محمد رمضان في الساحل

    تعرف على مفاجآت حفل محمد رمضان في «الساحل»

    بوابه اخبار اليوم
  • طريقة جديدة من محمد رمضان للترويج لحفله بالساحل الشمالي

    طريقة جديدة من محمد رمضان للترويج لحفله بالساحل الشمالي

    بوابة الفجر
  • اعطاء التصاريح الخاصة لحفل محمد رمضان بعد تعهده الظهور بشكل لائق

    اعطاء التصاريح الخاصة لحفل محمد رمضان بعد تعهده الظهور بشكل لائق

    موقع الفن
  • المهن الموسيقية تمنح محمد رمضان تصاريح حفل الساحل الشمالي

    المهن الموسيقية تمنح محمد رمضان تصاريح حفل الساحل الشمالي

    بوابه اخبار اليوم
  • فيلم hobbs shaw يتراجع للمركز الثاني في شباك التذاكر الأميركية

    فيلم "Hobbs & Shaw" يتراجع للمركز الثاني في شباك التذاكر الأميركية

    العرب اليوم